අපගේ ඉතිහාසය බෙහෙවින් ම අසාධාරණය.කුමක් නිසා ද යත් එය බොහෝ විට ජයග්‍රාහකයා වීරයා බවටත් පරාජිතයා ද්‍රෝහියා බවටත් පත් කර ඇති හෙයිනි. දුවිඩ විමුක්ති අරගලය අසාර්ථක වීමේ වරදට ද්‍රවිඩ විමුක්තිකාමීන්ද (අප විරුද්ධ විය යුතු ව තිබුණේ ඔවුන්ගේ පිටුපස සැඟවුණු අධිරාජ්‍යවාදී අරමුණුවලට පමණි.), ලාංකීය සමාජවාදී විප්ලවය අසාර්ථක වීමේ වරදට රෝහණ විජේවීරද, සිංහල ජාතිවාදී ව ලියැවුණු මහාවංශයට අනුව දුටුගැමුනුගේ බලලෝභීත්වයට එළාරද, අපේ රදළයින් නිසා රට සුද්දන්ට යාමේ වරදට ශ්‍රී වික්‍රම රාජසිංහද වරදකරුවෝ ය.
එපමනක් නොවේ.
බ්‍රෙෂ්ට් තම වැඩකරුවකු ඉතිහාසය කියවයි පැදිපෙළේ ලියූ පරිදි ම වහළකු හෝ වැඩකරුවකු ඉතිහාසය කියවුවහොත් සීසර්ලාගේ ඇලෙක්සැන්ඩර්ලාගේ ජයග්‍රහණ මිස ඒ වෙනුවෙන් හෝ ඊට එරෙහිව සිය රට වෙනුවෙන් දිවි පිදූ සෙබළුන් ගැන සඳහන් නොවේ.
වත්මන් ඉතිහාසය තුළ පරාජිතයින් හා පීඩිතයින් යටපත් වී ඇත. සැබැවින් ම මීට වරදකරු ඉතිහාසය නොව බලලෝභී අරමුණුවලට අනුව ලියූවන් ය. නොපමාව අපගේ ඉතිහාසය වෙනස් කළ යුතු ව ඇත. වර්තමානයේ දී අප සටන් කළ යුත්තේ සාධාරණ ඉතිහාසයක් අනාගතයට උරුම කිරීමටයි.
පන්නරය. තක්සලාව. ලංකාදීප (ඉරිදා). 2012 ජුනි 17
No comments:
Post a Comment